Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
АНТ выдаў дыскатэку ў польскім клубе за танцы ва ўкраінскай царкве. Каманда WTF знайшла арыгінал відэа
Журналісты WTF знайшлі месца з інтэр'ерам, падобным на паказаны на відэа.
Украінцы ў праваслаўных храмах арганізуюць начныя клубы, напісалі аўтары сайту тэлеканала АНТ. У пацверджанне гэтых слоў апублікавалі тры відэа нібыта з танцамі ў царкве ў Вінніцы. Каманда Weekly Top Fake даведалася, дзе насамрэч прайшла дыскатэка.
У сярэдзіне кастрычніка 2024 года Свята-Міхайлаўскі сабор у Чаркасах ад Украінскай Праваслаўнай Царквы Маскоўскага патрыярхату перайшоў у Праваслаўную царкву Украіны. Гэта прывяло да сутыкненняў паміж прыхільнікамі дзвюх Цэркваў, пацярпелі некалькі чалавек. На фоне гэтых падзей 16 кастрычніка 2024 года на сайце тэлеканала АНТ з'явілася навіна, што ўкраінцы ў храмах арганізоўваюць начныя клубы.
«Ва ўкраінскім горадзе Вінніцы ў храме іконы Божай Маці "Усіх смуткуючых Радасць", аднятым у праваслаўных вернікаў забароненай кіеўскім рэжымам УПЦ, зладзілі дыскатэку. Кадрамі з дзействамі, якія не ўкладваюцца ў рамкі маралі і проста разумнага, дзеліцца расейскі журналіст Раман Галаванаў», — напісана ў нататцы.
Раман Галаванаў, на якога спасылаецца АНТ, — карэспандэнт тэлеканалу «Спас» і каналу Салаўёў Live. Ён апублікаваў 12 кастрычніка ў сваім тэлеграм-канале тры кароткія відэаролікі, на якіх людзі танчаць пад украінскія песні.
«Храм адабралі ў праваслаўных. Аддалі раскольнікам з ПЦУ. На іх чорныя імшы ніхто не ходзіць, таму ў храме зладзілі дыскатэку», — гаворыцца ў подпісы да відэаролікаў.
Журналісты WTF знайшлі месца з інтэр'ерам, падобным на паказаны на відэа. Знаходзіцца яно ў Польшчы. Гэта варшаўскі клуб Room 13. Там тыя ж аркі і калоны, такая ж літара «В» на сцяне.
Таксама журналісты знайшлі першакрыніцу відэа з поста Галаванава. Ролікі апублікавалі ў сеціве розныя наведнікі клуба яшчэ ў 2019 годзе (1, 2, 3). На арыгінальных запісах людзі танчаць не пад украінскую музыку.
