Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Першы ў свеце прататып камбайна стварылі на Магілёўшчыне? Праверылі гісторыю ад Аляксандра Лукашэнкі
У 1826 годзе машыну, якая ўмела жаць каласы, вынайшлі ў Шатландыі.
Еўрапейская аграрная адукацыя зарадзілася на Магілёўшчыне, заявіў Аляксандр Лукашэнка падчас святкавання «Дажынак» у горадзе Клімавічы. Там жа, паводле яго словаў, стварылі і першы ў свеце прататып камбайна. Каманда Weekly Top Fake праверыла альтэрнатыўную гісторыю ад Лукашэнкі і знайшла разыходжанні з афіцыйнай версіяй.
Пра дасягненні Магілёўскай вобласці Аляксандр Лукашэнка расказаў 16 лістапада 2024 года на ўрачыстай цырымоніі ўшанавання аграрыяў падчас абласнога свята «Дажынкі» ў Клімавічах. Відэа яго выступу апублікавала БелТА.
«Першая ў Еўропе аграрная вну — гэта Горы-Горацкая земляробчая школа, якая расчыніла свае дзверы аж у 1840 годзе. <...> Дарэчы, менавіта там быў створаны першы ў свеце прататып збожжаўборачнага камбайна», — сказаў Лукашэнка.
У Еўропе ёсць як мінімум тры вну, якія з'явіліся раней Горы-Горацкай земляробчай школы. Напрыклад, Нацыянальны інстытут аграноміі ў Парыжы быў заснаваны ў 1828 годзе. Цяпер ён з'яўляецца часткай інстытуту AgroParisTech.
Варшаўскі ўніверсітэт прыродазнаўчых навук заснавалі ў 1816 годзе. Ён з'яўляецца найстарэйшым сельскагаспадарчым універсітэтам у Польшчы. Яшчэ раней, у 1804 годзе адкрылася сельскагаспадарчая акадэмія ў нямецкім пасёлку Мёглін. Яе заснаваў аграном Альбрэхт Даніэль Тэер. Пазней яна стала каралеўскай акадэміяй і праіснавала да 1861 года.
Аляксандр Лукашэнка памыліўся і з прататыпам першага камбайна. Ён быў першым у Расейскай імперыі, а не ў свеце. Ідэя сапраўды належала беларусу, выпускніку Горацкага земляробчага вучылішча Андрэю Уласенку. Прылада, якую ён вынайшаў, магла зразаць каласы і абмалочваць іх.
Малады аграном ў 1868 годзе падаў заяўку на патэнт і праз год атрымаў яго, але да прамысловай вытворчасці вынаходкі так і не дайшло — працэс канструявання палічылі занадта складаным для заводаў.
У свеце першыя спробы стварыць камбайн зафіксаваныя чатырма дзесяцігоддзямі раней, чым Уласенка стварыў свой механізм. У 1826 годзе машыну, якая ўмела жаць каласы, вынайшлі ў Шатландыі. Першы запатэнтаваны ўзор з'явіўся праз дзесяць гадоў у ЗША. Ён жаў, малаціў і веяў.
Юрый Васкрасенскі выказаў меркаванне, што на выбарах, якія маюць адбыцца, Аляксандр Лукашэнка атрымае больш за 80% галасоў дзякуючы дысцыпліне і згуртаванасці...
