«У мэтах недапушчэння дадзеных злоўжыванняў і з улікам тлумачэнняў Еўракамісіі мытны орган яшчэ больш узмацняе кантроль у пунктах пропуску праз мяжу з Рэспублікай Беларусь і Калінінградскай вобласцю Расейскай Федэрацыі <…маршруты перавозкі тавараў будуць правярацца яшчэ больш старанна, каб пераканацца, што тавары, якія паступаюць на мытную тэрыторыю Еўрапейскага Звязу, сапраўды былі перавезеныя з трэцяй краіны», – гаворыцца ў паведамленні.

Удакладняецца, што размова ў гэтым выпадку ідзе аб драўніне, якая трапіла ў ЕЗ праз Расею або Беларусь, таму што правозіць тавары дрэваапрацоўкі праз гэтыя краіны можна, калі яны выраблены не на іх тэрыторыі.

У прыватнасці, супрацоўнікі службы будуць надаваць асаблівую ўвагу месцу пагрузкі драўніны, спосабам перавозкі тавару, а таксама сачыць за тым, каб тавар не перапрацоўваўся, не захоўваўся і не перагружаўся падчас транспартавання.

«Таксама хочам паведаміць Вам, што супрацоўнікі мытні будуць патрабаваць дакумент, які змяшчае інфармацыю аб вытворцы тавараў і адрасе месца вытворчасці», – дадалі мытнікі.

Калі груз не будзе адпавядаць названым патрабаванням або перавозчыкі не дадуць неабходныя дакументы, прадукты на тэрыторыю ЕЗ не пусцяць.

Раней мы апублікавалі расследаванне аб тым, як улады Беларусі абыходзяць санкцыі і прадаюць драўніну ў ЕЗ праз Кыргызстан і Казахстан.