Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
«Мінская праўда» выдала артыста ў жаночай сукенцы за іспанскага дэпутата
Фота зрабілі ў ліпені 2024 года на свяце ў гонар Міжнароднага дня дрэг-руху.
Іспанскі дэпутат пераапрануўся ў жаночую сукенку і выступіў з трыбуны парламента, распавёў вядоўца праграмы «Вострая палітыка» на ютуб-канале «Палітыка. Мінская праўда». Каманда Weekly Top Fake знайшла арыгінальнае фота выступоўцы і высветліла, хто ён на самой справе.
Пра тое, як «парламент Іспаніі з’язджае з глузду» распавёў вядоўца праекту «Вострая палітыка» 4 кастрычніка 2024 года.
«Іспанскі парламентарый жахнуў сусветную грамадскасць. Не, гэта не новы босс з [відэагульні] DLC Elden Ring або Black Myth: Wukong, а ўсяго толькі народны выбраннік. Іспанцы, гляджу, зусім паўмеры не прызнаюць. Вось і самая каталіцкая і радыкальна настроеная краіна Еўропы, а вось — парламентарый чапляе на галаву адсечаныя курыныя ножкі і вяшчае з трыбуны з разумным выглядам у сукенцы. Гэта мужчына, нагадаю. Можна, вядома, спрабаваць захаваць спакой, але гэта такая клініка ўжо, ей богу», — пракаментаваў вядоўца фота, якое ў гэты час паказвалі на экране.
Каманда WTF знайшла фота мужчыны ў сукенцы ў сацсетцы Х (былы твітэр). Аўтары посту сцвярджаюць, што гэта іспанскі міністр, а не дэпутат. Але і першая версія, і другая — няпраўда.
На самой справе на здымку прадстаўнік дрэг-культуры — артыст Sorny, які пераўвасабляецца ў жаночыя вобразы. Мы знайшлі гэтае ж фота ў яго інстаграме. Яго зрабілі ў ліпені 2024 года на свяце ў гонар Міжнароднага дня дрэг-руху. Мерапрыемства арганізавалі ў супрацы з Міністэрствам роўнасці Іспаніі.
На агульным фота ўдзельнікаў ёсць і чыноўнік, але апрануты ён кансерватыўна — у гарнітур з гальштукам.
Пенсіі па інваліднасці за гэты час выраслі амаль у два разы. Але Марына Арцёменка не сказала, што гэтыя выплаты застаюцца аднымі з самых нізкіх у Еўропе.
