Антыфэйк / фактчэк

07 чэрвеня

Клішэвіч: Жыхары заходніх краін зайздросцяць дармовым сняданкам у беларускіх школах. Правяраем, ці ёсць для гэтага прычыны

Дэпутат назваў дармовыя школьныя сняданкі сацыяльнай заваёвай Беларусі.

Дата з'яўлення фэйка: 27.05.2024
Заходнія дзяржавы з зайздрасці да дармовых школьных сняданкаў хочуць зруйнаваць Беларусь, заявіў дэпутат Сяргей Клішэвіч. Журналісты Weekly Top Fake праверылі, на што могуць разлічваць дзеці ў іншых краінах. 

Дэпутат Палаты прадстаўнікоў Сяргей Клішэвіч 27 траўня ў эфіры «Радыё Менск» заявіў, што ў заходніх дзяржавах, у адрозненне ад Беларусі, няма дармовых сняданкаў у школах. Ён дадаў, што з-за гэтага Захад хоча зруйнаваць нашу краіну:

«Уласцівы нашаму грамадству такі панятак, як сацыяльнае ўтрыманства. Пра яго таксама трэба ўвесь час казаць. Пра тое, што сняданкі ў школах з 1 па 4 клас для дзетак, якія сплачвае дзяржава, гэта не богам было прыдумана, калі ён ствараў нашу планету тысячу гадоў назад, ці колькі там часу прайшло з той пары. Гэта сацыяльная заваёва дзяржавы, якую сёння не проста трэба шанаваць, а трэба абараніць. Таму што мы — бяльмо ў воку таго ж заходняга свету. Адна з прычын, чаму ён хоча нас абрынуць, — таму што іх народы, іх людзі пытаюць, тыя ж прыбалты, палякі і іншыя: "Чаму ў нас такога няма?"».

У Літве задарма сілкуюцца дзеці ў рыхтавальных, 1 і 2 класах. Калі прыбыткі сям'і ніжэйшыя за пэўны ўзровень, дармовае сілкаванне атрымліваюць і дзеці больш старэйшага веку.

У Латвіі дармовае сілкаванне, як і ў Беларусі, для дзяцей з 1 па 4 клас. Для старэйшых — на меркаванне мясцовага самакіравання. Багатыя гарады сплачваюць сілкаванне ўсіх школьнікаў, меней багатыя — субсідзіруюць частку кошту, іншае даплачваюць бацькі.

Падобная сітуацыя ў Эстоніі. У Талліне сілкаванне дармовае для ўсіх школьнікаў, а ў гарадах з меншымі бюджэтамі за яго часткова даплачваюць бацькі.

Дармовыя абеды з 1 па 5 клас ёсць і ў Шатландыі. У Швецыі — для ўсіх дзяцей ад 6 да 16 гадоў, а для шмат каго — і да 19. У Фінляндыі задарма кормяць усіх школьнікаў, незалежна ад веку і прыбытку.

У іншых краінах Еўропы дзяржава плаціць, зазвычай, за сілкаванне асобных катэгорый дзяцей. 

Дашліце інфармацыю, якая выклікае ў вас сумневы — мы праверым

Іншыя Антыфэйкі / фактчэкі

Палічылі, колькі раз зманіў тэлевядоўца Вадзім Ялфімаў, расказваючы, што беларускія дзяржСМІ не хлусяць
Антыфэйк / фактчэк

Палічылі, колькі раз зманіў тэлевядоўца Вадзім Ялфімаў, расказваючы, што беларускія дзяржСМІ не хлусяць

У інтэрактыўным каталогу фэйкаў БРЦ знаходзіцца больш за 600 фэйкаў. Вялікая частка з іх была апублікавана ў беларускіх дзяржаўных медыя.

03 чэрвеня 2024 Чытаць