Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Беларускае прадпрыемства пахвалілася, што яго пажарныя лесвіцы лепшыя за нямецкія. Параўналі іх характарыстыкі
Пажарную машыну з лесвіцай беларускай вытворчасці Аляксандру Лукашэнку паказалі падчас экскурсіі па заводзе «Пажснаб» у Барысаве.
Дырэктар барысаўскага прадпрыемства па вытворчасці абсталявання для ратавальнікаў «Пажснаб» Алег Дзярабін пахваліўся Аляксандру Лукашэнку, што беларускія лесвіцы для пажарных машын лепшыя за нямецкія. Каманда Weekly Top Fake параўнала характарыстыкі айчынных і імпартных і высветліла, што Дзярабін выхваляўся дарма.
Пажарную машыну з лесвіцай беларускай вытворчасці Аляксандру Лукашэнку паказалі падчас экскурсіі па заводзе «Пажснаб» у Барысаве. БелТА на сваім ютуб-канале 10 лістапада 2024 года размясціла відэа пра гэта.
«І самае галоўнае, тое, чаго няма нават у нямецкіх лесвіцах, у нас грузападымальнасць калыскі 300 кг. Што гэта значыць? У нямецкіх лесвіц — 200 кг. Нашыя ратавальнікі кажуць: "Вы прыгажуны, вядома, 200 кг — гэта выдатна. Але два ратавальнікі з дыхальнымі апаратамі — гэта 200 кг. А дзе выратаваны?"» — распавёў дырэктар прадпрыемства.
Каманда WTF знайшла згаданую лесвіцу на сайце вытворцы і параўнала яе з аналагічным абсталяваннем нямецкай вытворчасці. Напрыклад, у кампаніі Magirus, вядомай інавацыйнымі сістэмамі ўздыму, рабочая вышыня лесвіцы — тыя ж 32 м, грузападымальнасць кошыка — 300 і 400 кг. Значыць у немцаў ёсць і такія ж, і нават лепшыя.
Сусветнымі лідарамі ў вытворчасці пажарнай тэхнікі лічацца аўстрыйская і фінская кампаніі. У аўстрыйскай Rosenbauer ёсць гідраўлічныя лесвіца вышынёй звыш 60 м і грузападымальнасцю кошыка да 500 кг. У фінскай Bronto Skylift прадугледжана такая ж нагрузка, але лесвіцы рэкордна высокія — звыш 110 м.
Пенсіі па інваліднасці за гэты час выраслі амаль у два разы. Але Марына Арцёменка не сказала, што гэтыя выплаты застаюцца аднымі з самых нізкіх у Еўропе.
