Расследуем карупцыю, выкрываем фэйкі, аналізуем навінавую павестку. БРЦ — чалец глабальнай сеткі журналістаў-расследавальнікаў.
Журналісты БРЦ – лаўрэаты нацыянальнай прэміі «Вольнае слова» Беларускай асацыяцыі журналістаў за расследаванні ў 2018, 2019, 2020, 2021 і 2022 гадах. На «Вольным слове» у 2021 годзе каманда БРЦ атрымала першае месца ў катэгорыі «Аналітыка».
БРЦ з'яўляецца чальцом OCCRP (Цэнтр па даследаванні карупцыі і арганізаванай злачыннасці)
Таксама мы чальцы GIJN (Глабальная сетка журналістаў расследавальнікаў)
Замест «Мрії» — клумбы? Ці сапраўды ва Украіне грошы, выдзеленыя на аднаўленне легендарнага самалёта, выдаткавалі на кветкі
Ан-225 «Мрія» — гэта транспартны самалёт з самай вялікай грузападымальнасцю ў свеце, які стварылі пад касмічную праграму.
Украінцы выдаткоўваюць на стварэнне кветнікаў грошы, якія вылучалі на аднаўленне самага вялікага самалёта «Мрія», напісаў тэлеграм-канал «ЖС premium» і апублікаваў фота кветніка. Каманда Weekly Top Fake знайшла арыгінал здымка.
Пост з фотаздымкам клумбы ў форме легендарнага самалёта, які знішчылі расейскія войскі ў аэрапорце Антонаў блізу Кіева, у тэлеграм-канале «ЖС premium» апублікавалі 31 траўня 2024 года.
«На двары 2024-ы і контур "Мріи" пачаў праступаць, але не ў чарцяжах або зборачных цэхах, а на клумбе ў Кіеве. Вось і задача укррасследвальнікам усялякіх карупцыйных спраў: прыгажосць навялі па кошце кветак або самалёта?» — гаворыцца ў подпісе да фота.
Ан-225 «Мрія» — гэта транспартны самалёт з самай вялікай грузападымальнасцю ў свеце, які стварылі пад касмічную праграму. Яго пабудавалі ў Кіеве ў канцы 80-х у адзіным экзэмпляры. Ён згарэў у першыя дні вайны. Украіна заявіла, што адновіць самалёт, але на гэта спатрэбіцца час і нямала грошай.
Фота, якое паказаў «ЖС premium», — двухгадовай даўнасці. Такая кампазіцыя з дзесяці тысяч кветак з'явілася ў Кіеве ў траўні 2022 года. Пра гэта паведамляла Кіеўская адміністрацыя.
Пенсіі па інваліднасці за гэты час выраслі амаль у два разы. Але Марына Арцёменка не сказала, што гэтыя выплаты застаюцца аднымі з самых нізкіх у Еўропе.
