Інфляцыя ў Беларусі: міфы і рэальнасць

Рэгуляванне коштаў, якое ўвялі беларускія ўлады ў кастрычніку 2022 года, не працуе, сцвярджае эканаміст Яраслаў Раманчук. У доказ ён прыводзіць дадзеныя, што краіна ўвайшла ў дзясятку сусветных лідараў па ўзроўні інфляцыі. Каманда Weekly Top Fake праверыла, ці сапраўды гэта так.

Меры па ўрэгуляванні росту коштаў, прынятыя ў Беларусі, Яраслаў Раманчук раскрытыкаваў у гутарцы з журналісткай і відэаблогеркай Таццянай Мартынавай 12 сакавіка 2024 года.

«Калі б ручное рэгуляванне коштаў гарантавала стабільнасць і нізкую інфляцыю, тады Беларусь бы не была дзясятай краінай у свеце паводле ўзроўню інфляцыі», — аргументаваў свой пункт гледжання эканаміст.

Спажывецкія кошты ў Беларусі за 2023 год выраслі на 5,8%. Беларусі з такім паказнікам далёка да дзясятага месца. У тройцы краін-лідараў у свеце — Аргенціна з 211%, Ліван са 192% і Венесуэла, дзе кошты выраслі на 190%. Замыкае дзясятку Куба з інфляцыяй у 31%.

А вось у дзясятку сярод краін Еўропы Беларусь магла б увайсці. Тут лідаруе Турцыя — за год цэны выраслі больш, чым на 60%. Следам ідзе Чэхія — там інфляцыя 7,6%. І на восьмым месцы, паміж Польшчай і Аўстрыяй, магла б быць Беларусь.

Астатнія фэйкі тыдня:

«Дазволена мець некалькі мужоў». У эфіры беларускага радыё перакруцілі шлюбныя нормы Кітая

Фэйк беларускага радыё: украінцы абіраюць Беларусь, а не «райскае жыццё ў Еўропе»

Падвойная інфляцыя Пятроўскага: як праўладны эксперт мінусаваў еўрапейскія эканомікі

(Не)літасцівая Беларусь: як дзяржмедыі маніпулююць тэмай эвакуацыі з Дубаю

Няма папаўнення? Як СТБ маніпулюе статыстыкай здароўя прызыўнікоў у краінах Балтыі

Беларусь — дзясятая краіна ў свеце па ўзроўні інфляцыі? Правяраем, ці так гэта