ЗША 2 красавіка 2025 года ўвялі санкцыі супраць расейскага судна Zafar і злучаных з ім асоб. У абмежавальны спіс трапілі два афганскія бізнесоўцы, браты Хушанг і Сахраб Гайраты (Hushang Ghairat, Sohrab Ghairat), і два капітаны Zafar: былы — Юры Белякоў, і цяперашні — Вячаслаў Віданаў. Апошнія — грамадзяне Расеі. Апроч таго, пад санкцыі трапіла гон-конгаўская кампанія AM Asia M6 Ltd, што здзяйсняла перавозкі.
Паводле дадзеных Мінфіну ЗША, браты Гайраты дапамагалі фінансісту хусітаў (узброеная групоўка ў Емене, якая прадстаўляе зейдзітаў — мусульманскую шыіцкую меншасць краіны) Саіду аль-Джамалю, які знаходзіцца пад санкцыямі ЗША, закупляць у Расеі зброю і выкрадзенае ва Украіне зерне на мільёны долараў. Летам і восенню 2024 года яны арганізавалі мінімум дзве даставы з акупаванага Крыму ў Емен на борце балкера AM Theseus пад расейскім сцягам, які таксама вядомы як Zafar.
Журналісты БРЦ у чэрвені 2024-га пісалі пра аналагічны маршрут транспартавання выкрадзенага ўкраінскага ячменю ў Іран. Даставу 60 тыс. тон збожжа ажыццяўлялі згаданы балкер Zafar і яшчэ адно судна пад назвай Zaid.
Іншыя Навіны
Навіны
ЕЗ наклаў санкцыі на «Беларускія латарэі» пасля расследавання БРЦ
Пад абмежаванні трапіла і кампанія, што распрацавала ПЗ для дзяржаўнай онлайн-латарэі «Белбэт».
27 сакавіка 2025
Чытаць
Навіны
Праект Dubai Unlocked атрымаў узнагароду Асацыяцыі Бізнес Журналістаў SABEW. БРЦ у яго рамках расказаў пра сувязь братоў Карычаў з рэзідэнцыяй «Усход»
Звязаныя з Карычамі кампаніі маглі быць намінальнымі ўласнікамі рэзідэнцыі Лукашэнкі «Усход» — жылога комплексу на беразе Менскага мора.
18 сакавіка 2025
Чытаць
Навіны
«Выглядае як дымавая завеса». Дэталі і імаверныя прычыны візіту лівійскага генерала ў Беларусь
Лівійская дэлегацыя ў Менск і назад ляцела асабістым лятаком Лукашэнкі.
26 лютага 2025
Чытаць