У Балабіна было тры прэтэнзіі. Першая – што ягонае імя назвалі ў расследаванні пра падазроную дзейнасць ганаровых консулаў. Другая тычылася расследавання трохгадовай даўнасці. А трэцяя – сцвярджэнне, што ён пабудаваў гараж-стаянку ў абыход заканадаўства.
Тым не менш суддзя Савецкага раёну Менску Дзмітрый Жданок прысудзіў Станіславу Івашкевічу штраф у якасці кампенсацыі маральнай шкоды Балабіну і абавязаў даць абвяржэнне на канале Беларускага расследавальніцкага цэнтру, які ў Беларусі прызнаны экстрэмісцкім.
– Даць абвяржэнне на сайце Ютуб ком на канале «Беларускі расследавальніцкі цэнтр», – зачытаў частку прысуду суддзя Дзмітрый Жданок.
– Але ж ён прызнаны экстрэмісцкім СМІ ў Беларусі. Усё роўна даваць на ім абвяржэнне? – удакладніў старшыня БРЦ Станіслаў Івашкевіч.
– Не, на сайце «ютуб точка ком». На якім канале... – задумаўся суддзя. – На экстрэмісцкім, вядома, не варта...
Іншыя Навіны
Літва скасоўвае яшчэ адзін кантракт з Garsų pasaulis, фігурантам расследавання БРЦ аб пашпарце Новай Беларусі
Garsų pasaulis раней ужо была ўцягнутая ў карупцыйныя скандалы ў Кыргызстане, Дэмакратычнай Рэспубліцы Конга і Малдове.
Крамлёўская фабрыка фэйкаў спрабавала палохаць хаўрусам Лукашэнкі і ПВК «Вагнер»
«Агенцтва сацыяльнага праектавання» (АСП) знаходзіцца пад санкцыямі ЕЗ і ЗША.
