З 2017 года колькасць звольненых работнікаў гэтай галіны штогод перавышае колькасць найманых. Летась са сферы адукацыі звольнілі амаль 100 тысяч чалавек, нанялі – крыху менш за 95 тысяч. Пік адтоку прыпаў на 2020 год, калі на фоне пратэстаў пасля прэзідэнцкіх выбараў звольненых было амаль на 10 тысяч больш, чым нанятых. У параўнанні з 2019-м паказнік вырас амаль у пяць разоў.
Скарачэнне кадраў у сферы адукацыі заўважна і па сярэднеспісачнай колькасці работнікаў. Гэта сярэдняя колькасць работнікаў на справаздачныя даты перыяду. Туды не трапляюць, напрыклад, тыя, хто знаходзіцца ў адпачынках па цяжарнасці і родах або па доглядзе дзіцяці. Пры гэтым супрацоўнікі, якія працавалі няпоўны працоўны час, улічваюцца як няпоўныя адзінкі. У 2022 годзе гэты паказнік склаў 390306 чалавек, што амаль на 29 тысяч менш, чым шэсць гадоў таму.
Сярод прычын сыходу са сферы адукацыі, акрамя палітычных рэпрэсій, педагогі называюць вялікую нагрузку і нізкія заробкі. Чыноўнікі і самі пацвярджаюць дэфіцыт кадраў, як і тое, што многім выкладчыкам даводзіцца працаваць больш, чым на адну стаўку. У кастрычніку 2022 года міністр адукацыі Андрэй Іванец паведаміў, што сярэдняя занятасць настаўніка складае 1,25 стаўкі, і дадаў, што гэта – «нармальная занятасць, тут ніякай вялікай перагружанасці няма».
Іншыя Навіны
Навіны
«Ён яшчэ доўга будзе знаходзіцца ў закладніках». Журналісту Сяргею Сацуку споўнілася 56 галоў — у калоніі
Апошняе расследаванне Сацука было прысвечана карупцыі ў Міністэрстве аховы здароўя.
Навіны
«Развіццё беларускай музыкі ў выхадзе з беларускага гета». Папа Бо ў гасцях у Чалага
Сяргей Чалы пагаварыў з дыджэем і рэжысёрам пра музыку пратэсту, песню пра Саню і спадчыну заводу «Гарызонт».
Навіны
БРЦ далучаецца да кампаніі за свабоду прэсы ў Кыргызстане
Кыргызскія журналісты падкрэсліваюць, што праблема абмежавання свабоды слова актуальная для ўсіх рэдакцый навін і медыйных арганізацый у краіне.