Гэтыя дадзеныя былі агучаныя ў адказ на запыт дэпутаткі Сейму Ганны Гіл-Пёнтэк. Яна заявіла, што хоць урад Польшчы і сцвярджае, што плот уздоўж польска-беларускай мяжы надзвычай эфектыўны, але гэта не перашкаджае паступленню «крывавага лесу з Беларусі». Затрыманыя 80 партый з сумнеўнымі дакументамі – гэта вялікая колькасць, кажа Гіл-Пёнтэк, але на яе думку цалкам верагодна, што знойдзена толькі невялікая частка драўніны, якая незаконна ўвозіцца з Беларусі, па падробленых дакументах.
«Доказаў таго, што Беларусь абыходзіць санкцыі, так шмат, што сітуацыя патрабуе жорсткай рэакцыі з боку польскіх уладаў. Тое, што на дрэве будзе этыкетка іншай краіны, а не Беларусі, не азначае, што грошы ў выніку не пойдуць рэжыму Лукашэнкі», – кажа Ганна Гіл-Пёнтэк.
Запыт быў дасланы пасля нашага расследавання, якое мы апублікавалі напрыканцы 2022 году. Тады мы высветлілі, што беларускі лес працягвалі пастаўляць у краіны ЕЗ, абыходзячы санкцыі, якія былі ўведзеныя ў сакавіку 2022 года. Гэтыя пастаўкі ажыццяўляліся па фальшывых дакументах трэціх краін, у прыватнасці праз Казахстан і Кіргізію.
Гіл-Пёнтэк дадала: калі размова ідзе не пра драўніну, рэжым у Беларусі спрабуе абысці санкцыі шляхам замены мытных кодаў. Гэта адбываецца напрыклад з нафтапрадуктамі і карбаміднымі ўгнаеннямі.
Пра тое, як «Горадня Азот» увозіць сваю прадукцыю ў ЕЗ у абыход санкцый, мы расказвалі ў лютым гэтага году.
Іншыя Навіны
Навіны
«Ён яшчэ доўга будзе знаходзіцца ў закладніках». Журналісту Сяргею Сацуку споўнілася 56 галоў — у калоніі
Апошняе расследаванне Сацука было прысвечана карупцыі ў Міністэрстве аховы здароўя.
Навіны
«Развіццё беларускай музыкі ў выхадзе з беларускага гета». Папа Бо ў гасцях у Чалага
Сяргей Чалы пагаварыў з дыджэем і рэжысёрам пра музыку пратэсту, песню пра Саню і спадчыну заводу «Гарызонт».
Навіны
БРЦ далучаецца да кампаніі за свабоду прэсы ў Кыргызстане
Кыргызскія журналісты падкрэсліваюць, што праблема абмежавання свабоды слова актуальная для ўсіх рэдакцый навін і медыйных арганізацый у краіне.