Гэта максімум за ўсю гісторыю назірання – з 2001 года. Колькасць эмігрантаў пачала рэзка расці ў 2016 годзе. Тады ў Літву афіцыйна зʼехалі 1157 чалавек, годам раней – 387. У 2020 годзе – у год масавых пратэстаў – у суседнюю краіну выехалі 7279 беларусаў. А ў 2022-м удвая больш – амаль 15 тысяч.
Каго менавіта ў статыстыцы лічаць эмігрантамі, у базе не пазначана. Існуюць розныя падыходы ўліку, напрыклад у Расеі такімі лічаць тых, хто заехаў у краіну для сталага пражывання.
Літва – другі па папулярнасці напрамак сярод краін ЕЗ для міграцыі з Беларусі. Першае месца традыцыйна займае Польшча. Толькі летась прытулак ці гуманітарную візу ў Польшчы атрымалі 70 тысяч беларусаў. Свежых звестак па міграцыі з Беларусі Польшча пакуль не публікавала. Усяго ж за апошнія два гады, паводле звестак даследчага цэнтру BEROC, у краіны ЕЗ маглі зʼехаць да 172 тысяч беларусаў.
Іншыя Навіны
«Ён яшчэ доўга будзе знаходзіцца ў закладніках». Журналісту Сяргею Сацуку споўнілася 56 галоў — у калоніі
Апошняе расследаванне Сацука было прысвечана карупцыі ў Міністэрстве аховы здароўя.
«Развіццё беларускай музыкі ў выхадзе з беларускага гета». Папа Бо ў гасцях у Чалага
Сяргей Чалы пагаварыў з дыджэем і рэжысёрам пра музыку пратэсту, песню пра Саню і спадчыну заводу «Гарызонт».
