«Адносна правядзення праверкі фактаў, пасля публікацыі матэрыялу пад назвай «Лясныя браты. Як Кыргызстан дапамагае Беларусі абыходзіць санкцыі ЕЗ», праводзіцца службовае расследаванне па фактах, выкладзеных журналістамі. Цяпер, у рамках работы праводзіцца аналіз базы даных мытнага дэкларавання тавараў, накіраваны запыты ў кампетэнтныя органы Кыргызскай Рэспублікі», – гаворыцца ў афіцыйным паведамленні.
У мытнай службе таксама падкрэслілі, што па выніках унутранага расследавання чыноўнікі разгледзяць пытанне аб перадачы сабраных матэрыялаў у следчыя органы Кыргызстану «для дачы юрыдычнай ацэнкі дзеянням асобаў, якія маюць дачыненне да гэтых парушэнняў». Аднак да таго часу нікога з супрацоўнікаў мытных органаў прыцягваць да адказнасці не будуць.
Расследаванне аб тым, як беларуская драўніна трапляе ў ЕЗ па фальшывых дакументах праз Кыргызстан і Казахстан, мы выпусцілі ў снежні мінулага года. Па нашых падліках, схемы ўскоснага рээкспарту беларускага дрэва прынеслі сваім арганізатарам каля 30 мільёнаў еўраў.
Іншыя Навіны
Ад золата і зброі да канферэнцыі ААН. Як двое беларусаў пакараюць Зімбабвэ
Беларускія бізнесоўцы, фігуранты журналісцкіх расследаванняў, прадстаўляюць афрыканскую краіну на кліматычным саміце.
«Аўтары будуць адпраўлены па маршруце з трох літар». Генпракуратура Абхазіі адказала на запыт БРЦ
У верасні 2022 года Аляксандр Лукашэнка наведаў Абхазію і сустрэўся з яе лідарам Асланам Бжанія.
