«Руская балонка»
Адзін з асноўных мэсыджаў Ціханоўскай у яе калонках для заходніх медыяў палягае на тым, што Лукашэнка – дыктатар, які прыслугоўвае прэзідэнту Расеі Уладзіміру Пуціну і дзейнічае ў яго інтарэсах. У дзвюх сваіх калонках для Politico і The Guardian Ціханоўская называе яго «рускай балонкай» і падкрэслівае, што сваім становішчам Лукашэнка абавязаны менавіта Пуціну, бо ператварыў Беларусь у васальную дзяржаву Расеі.
Украіна
Пакуль Лукашэнка застаецца адданым Пуціну, пакутваць ад гэтага будуць не толькі беларусы, але і ўкраінцы, лічыць Ціханоўская.
«Без свабоднай Беларусі не будзе бяспечнай Украіны. Запрашэнне Лукашэнкі расейскім войскам правесці гібрыдную акупацыю Беларусі паставіла маю краіну ў цэнтр крызісу ва Усходняй Еўропе», – піша лідарка беларускай апазіцыі ў тэксце для The Guardian.
На яе думку, каб наблізіць вызваленне і Украіны, і беларускага народу, неабходна зрынуць Лукашэнку.
Свабода слова
Адзін з галоўных інструментаў Лукашэнкі ў барацьбе за ўладу, мяркуе палітык, цэнзура і знішчэнне свабоды слова ў Беларусі. У сваіх матэрыялах Ціханоўская неаднаразова пералічвала беларускіх журналістаў, якія патрапілі ў турму ці былі вымушаныя ўцякаць з краіны таму, што добрасумленна выконвалі сваю працу. Пры гэтым, на яе думку, «большасць беларусаў па сваёй сутнасці – еўрапейцы і хочуць мірна жыць ва ўмовах дэмакратыі». У сувязі з гэтым Ціханоўская заклікала Заходнія краіны падтрымаць уцекачоў ад дыктатуры Лукашэнкі, а таксама беларускіх журналістаў, каб яны маглі і надалей працаваць на карысць беларускага народу, які мае патрэбу ў дэмакратыі.
Санкцыі
Пачынаючы з 2020 года, у тым ліку пасля заклікаў Ціханоўскай, супраць Беларусі і асабіста Аляксандра Лукашэнкі і яго акружэння былі ўведзены шэсць пакетаў санкцый. Улады ЕЗ плануюць і надалей пашыраць свае абмежаванні для Беларусі. Але Ціханоўская лічыць, што іх усё яшчэ недастаткова і супраць Лукашэнкі, і ягонага атачэння трэба ўводзіць як мага больш санкцый, каб ён страціў усялякую падтрымку і проста не мог працягваць кіраваць дзяржавай.
«Спадзяемся, што Вашынгтон і ягоныя саюзнікі працягнуць аказваць максімальны ціск на гнюсны рэжым Лукашэнкі. Нам трэба, каб ягоная роля ў вайне Пуціна спынілася, а расейскія войскі назаўжды пакінулі тэрыторыю Беларусі. Нам трэба, каб «ГУЛАГі» апусцелі, а народ у Беларусі мог вырашаць, хто будзе кіраваць краінаю, не баючыся помсты», – напісала яна ў артыкуле для The Wall Street Journal.
Іншыя Навіны
Навіны
«Ён яшчэ доўга будзе знаходзіцца ў закладніках». Журналісту Сяргею Сацуку споўнілася 56 галоў — у калоніі
Апошняе расследаванне Сацука было прысвечана карупцыі ў Міністэрстве аховы здароўя.
Навіны
«Развіццё беларускай музыкі ў выхадзе з беларускага гета». Папа Бо ў гасцях у Чалага
Сяргей Чалы пагаварыў з дыджэем і рэжысёрам пра музыку пратэсту, песню пра Саню і спадчыну заводу «Гарызонт».
Навіны
БРЦ далучаецца да кампаніі за свабоду прэсы ў Кыргызстане
Кыргызскія журналісты падкрэсліваюць, што праблема абмежавання свабоды слова актуальная для ўсіх рэдакцый навін і медыйных арганізацый у краіне.