Па выніках 2022 года гэты паказнік вырас да рэкордных 6,3% – амаль на два працэнтныя пункты ў параўнанні з 2019-м і на тры – у параўнанні з 2010-м. Да 2008 года доля выдаткаў беларусаў на ахову здароўя вагалася ў межах 2,7% -3,1%, а ў мінулым стагоддзі была ніжэйшай за 2%.
Доля выдаткаў на ахову здароўя працягнула расці і ў гэтым годзе – да 6, 7% у першым квартале. Гэта адзін з двух паказнікаў у расходах хатніх гаспадарак, якія стабільна растуць апошнія пяць гадоў. Другі – узровень выдаткаў на інфармацыю і сувязь, гэта значыць на мабільную сувязь і інтэрнэт, а таксама тэлекамунікацыйнае абсталяванне (да 2021 гэты паказнік зваўся проста «сувязь»). Расходы тут выраслі з 6,3% у 2019 годзе да 7,6% у 2022 годзе.
Самая вялікая частка выдаткаў беларусаў – харчаванне. Па выніках 2022 года, на ежу хатнія гаспадаркі выдаткоўвалі 39, 7% сваіх бюджэтаў. У 2023-м гэты паказнік ужо вырас да 40,4%. На жыллё прыпадае дзясятая частка выдаткаў, на адзенне – 6, 5%, на адукацыю – 1, 5%. Гэта самы сціплы артыкул выдаткаў для беларускіх хатніх гаспадарак.
Іншыя Навіны
Як Лукашэнка падтрымліваў Асада, але дапамагаў Пентагону ўзбройваць апазіцыю
Пасярэднікам у пастаўках супрацьтанкавых ракетных комплексаў была Балгарыя.
Ад золата і зброі да канферэнцыі ААН. Як двое беларусаў пакараюць Зімбабвэ
Беларускія бізнесоўцы, фігуранты журналісцкіх расследаванняў, прадстаўляюць афрыканскую краіну на кліматычным саміце.
