Гаворка ідзе аб рамонце дзвярных праёмаў, фасадаў і апорных канструкцый. Акрамя таго, плануецца замяніць вароты, сістэму пажарнай сігналізацыі, сістэмы пажаратушэння і правесці шэраг іншых работ, у тым ліку аддзелачных.
Гэты тэндар вайскоўцы размяшчаюць ужо пяты раз з пачатку года. Усе папярэднія конкурсы былі прызнаныя несапраўднымі. Першыя тэндары апублікавалі яшчэ на пачатку года. Тады іх кошт быў істотна ніжэйшы – 3,8 млн рублёў. Але абодва конкурсы адмянілі, паколькі да таргоў быў дапушчаны толькі адзін удзельнік.
У другім тэндары ўдзельнічаў вядомы берасцейскі забудоўшчык «Палессежылбуд», які рэгулярна атрымлівае дзяржкантракты. Фірму не дапусцілі да ўдзелу ў конкурсе, паколькі яна прапанавала занадта высокі кошт выканання работ.
Верагодна, гэта паўплывала на наступныя два тэндары, кошт якіх павялічылі да 5,2 млн рублёў. У абодвух з іх «Палессежылбуд» аказалася адзіным дапушчаным да таргоў удзельнікам, таму конкурсы таксама прызналі несапраўднымі.
ААТ «Палессежылбуд» – вядомы берасцейскі забудоўшчык. Кампанія рэгулярна атрымлівае дзяржзамовы. З 2021 года, паводле падлікаў БРЦ, сума выйграных дзяржкантрактаў перавысіла 60 млн рублёў.
Згаданы ў дакументацыі да тэндару Гожскі палігон – адзін з абʼектаў, на якім пастаянна праводзяцца ваенныя вучэнні. Ён знаходзіцца на мяжы з Польшчай і Літвой. На палігоне ў тым ліку праводзяцца сумесныя манеўры з расейскім войскам. У пачатку ліпеня Беларусь чарговы раз працягнула вучэнні з Расеяй як мінімум да 16 ліпеня.
Іншыя Навіны
Ад золата і зброі да канферэнцыі ААН. Як двое беларусаў пакараюць Зімбабвэ
Беларускія бізнесоўцы, фігуранты журналісцкіх расследаванняў, прадстаўляюць афрыканскую краіну на кліматычным саміце.
«Аўтары будуць адпраўлены па маршруце з трох літар». Генпракуратура Абхазіі адказала на запыт БРЦ
У верасні 2022 года Аляксандр Лукашэнка наведаў Абхазію і сустрэўся з яе лідарам Асланам Бжанія.
