Беларускіх вайскоўцаў плануюць навучыць страляць з СТРК «Фагот». Згодна з дакументацыяй, Мінабароны патрэбныя паўнавартасныя навучальныя трэнажоры, якія імітуюць працу ў розных кліматычных умовах і тыпах ландшафту. Сістэма павінна задаваць практыкаванні, фіксаваць памылкі і перахапляць кіраванне для дэманстрацыі правільнай стральбы.
Сярод задач пералічаныя выведка, выяўленне, распазнанне і выбар найбольш важных цэляў, а таксама пуск ракет і знішчэнне рухомых цэляў на дыстанцыі ад 75 да 4000 метраў.
Паставяць трэнажоры ў дзве вайсковыя часці – 71327 у Віцебскай вобласці і 89417 у Менскай вобласці, і ў Ваенную акадэмію Беларусі ў Менску.
Гэтыя СТРК паступілі на ўзбраенне Савецкага саюзу яшчэ ў 70-х гадах мінулага стагоддзі. З тэндарнай дакументацыі вынікае, што беларускіх вайскоўцаў навучаць стральбе з комплексу «Фагот» мадыфікацыі 9П135М, якая была распрацавана ў пачатку 90-х. Пры гэтым страляць будуць ракетамі 9М111 – гэта самая першая версія ракет, якая выкарыстоўваецца ўжо больш за 50 гадоў.
Таксама мяркуецца навучыць беларускіх вайскоўцаў стральбе ракетамі для іншага савецкага СТРК – «Конкурс». Украінскія ваенныя эксперты паведамлялі, што войска РФ атрымлівае знятыя з захоўвання «Конкурсы» з масай дэфектаў.
Іншыя Навіны
Ад золата і зброі да канферэнцыі ААН. Як двое беларусаў пакараюць Зімбабвэ
Беларускія бізнесоўцы, фігуранты журналісцкіх расследаванняў, прадстаўляюць афрыканскую краіну на кліматычным саміце.
«Аўтары будуць адпраўлены па маршруце з трох літар». Генпракуратура Абхазіі адказала на запыт БРЦ
У верасні 2022 года Аляксандр Лукашэнка наведаў Абхазію і сустрэўся з яе лідарам Асланам Бжанія.
