Мяркуючы па дакументах, гаворка ідзе пра паўнавартасны цір агульнай плошчай амаль дзве тысячы квадратных метраў. У СІЗА сярод іншага размесцяць восем стоек з гільзаадбівальнай сеткай, брустверы і куляўлоўнікі. Таксама ў тэхнічным заданні пазначаны два камплекты мішэняў, у тым ліку «Зорка», «Дуэльнае дрэва», «Ківач» і іншыя.
Акрамя гэтага ў СІЗА збудуюць інтэрактыўны лазерны цір. У пераліку патрабаванага абсталявання пазначаны праектар, лазерны пісталет Макарава, лазерны аўтамат Калашнікава і іншае абсталяванне.
Для чаго ізалятару спатрэбіўся цір, у аўкцыённай дакументацыі не ўдакладняецца. Пра тое, што ў беларускіх СІЗА размяшчаюць (ці плануюць размяшчаць) ціры, раней публічна не паведамлялася.
Новае СІЗА будуюць больш за дзесяць гадоў, праект запусцілі яшчэ ў 2010 годзе. Згодна з указам Лукашэнкі ад 2021 года, абʼект павінны здаць сёлета. Першапачаткова меркавалася, што абʼект здадуць да 2015 года, але тэрміны неаднаразова пасоўвалі. Папярэдні раз іх пераносілі ў 2018 годзе – тады планавалася скончыць будоўлю ў 2022-м.
Іншыя Навіны
Навіны
«Ён яшчэ доўга будзе знаходзіцца ў закладніках». Журналісту Сяргею Сацуку споўнілася 56 галоў — у калоніі
Апошняе расследаванне Сацука было прысвечана карупцыі ў Міністэрстве аховы здароўя.
Навіны
«Развіццё беларускай музыкі ў выхадзе з беларускага гета». Папа Бо ў гасцях у Чалага
Сяргей Чалы пагаварыў з дыджэем і рэжысёрам пра музыку пратэсту, песню пра Саню і спадчыну заводу «Гарызонт».
Навіны
БРЦ далучаецца да кампаніі за свабоду прэсы ў Кыргызстане
Кыргызскія журналісты падкрэсліваюць, што праблема абмежавання свабоды слова актуальная для ўсіх рэдакцый навін і медыйных арганізацый у краіне.