Міністэрства выдаткуе 646 тысяч рублёў на набыццё 56 праграмна-апаратных прылад IP-шыфравання. Іх прадукцыйнасць – да 1 Гбіт / с. Прылады павінны адначасова падтрымліваць да 50 VPN-тунэляў.
Яшчэ 295 тысяч рублёў пойдуць на куплю 68 крыху менш магутных прылад прадукцыйнасцю да 100 Мб/с і 10 максімальнымі VPN-тунэлямі. Яшчэ 1,1 млн рублёў вылучылі на прылады кантролю і фільтраванні сеткавага трафіку, а таксама праграмнае забеспячэнне цэнтралізаванага кіравання бяспекай.
Гэта ўжо другі такі тэндар для МУС з пачатку года. У траўні ведамства абʼявіла закуп 42 генератараў зашумлення для абароны ад несанкцыянаванага атрымання інфармацыі па ланцугах электрасілкавання.
Раней падобныя тэндары ведамства не размяшчала. У апошні час публічна не паведамлялася аб якіх-небудзь злівах дадзеных у МУС. У 2021 годзе «Кіберпартызаны» атрымалі доступ да баз МУС, у тым ліку да аўтаматызаванай інфармацыйнай сістэмы «ДАІ-Цэнтр», якая змяшчае інфармацыю аб зарэгістраваных транспартных сродках, і да сістэмы «Пашпарт», якую выкарыстоўваюць пашпартна-візавыя падраздзяленні МУС Беларусі.
Іншыя Навіны
Як Лукашэнка падтрымліваў Асада, але дапамагаў Пентагону ўзбройваць апазіцыю
Пасярэднікам у пастаўках супрацьтанкавых ракетных комплексаў была Балгарыя.
Ад золата і зброі да канферэнцыі ААН. Як двое беларусаў пакараюць Зімбабвэ
Беларускія бізнесоўцы, фігуранты журналісцкіх расследаванняў, прадстаўляюць афрыканскую краіну на кліматычным саміце.
